نۆۋەتىكى ئورنىڭىز : توردا ئىش بىجىرىش > ئەدەبىيات > شېئىر

كادىرلارغا گېپىم بار

يوللانغان ۋاقىت : 2016 - يىلى 10 - ئاينىڭ 17 - كۈنى ، سائەت17:30    كۆرۈش :  

 ئابلىز ئۆمەر ئەنجانى

 

ئورۇنلاشتى كەنتلەرگە،

سالاپەتلىك كادىرلار.

خالىس نىيەت، ئاق كۆڭۈل،

خىزمىتىگە ماھىرلار.

قىزى يوققا قىز بولدى،

ئوغلى يوققا ئۆز ئوغۇل.

ياخشى ئىشى ئۇلارنىڭ،

بەكمۇ تولا، بەكمۇ غول.

ئۆيگە كىرىپ مۇڭداشتى،

ئەھۋاللارنى ئىگىلەپ.

مۇقىملىقنى چىڭ تۇتتى،

ۋەزىيەتنى تىزگىنلەپ.

توك كەلتۈردى مەلىگە،

يورۇپ كەتتى چىراغلار.

ئىشقا ئاشتى ئارزۇلار،

تۈگەپ غەمۇ پىراقلار.

ياساپ بەردى يوللارنى،

مەبلەغ قىلىپ، پۇل قىلىپ.

كۆچەت تىكىپ تۇتقۇزدى،

ئەتراپلارنى گۈل قىلىپ.

دوختۇرخانا قۇرۇلدى،

ساغلام بولدى تېنىمىز.

داۋالىنىش بەك ياخشى،

ئارام تاپتى جېنىمىز.

پاراۋانلىق ئۆيلىرى،

قېرىلارنىڭ جەننىتى.

يەسلى، باغچا ھەممىسى،

كادىرلارنىڭ ھىممىتى.

ئىلغار ئۇسۇل قوللانغاچ،

ئاشتى ئۇدا مەھسۇلات.

ئىشلەتكەچكە ئىش تېپىپ،

كىرىم بولدى قاتمۇ – قات.

يېڭى سالغان ئۆيلەردە،

قىزىپ كەتتى مەشرەپلەر.

چۈشۈپ كەتتى ئۇسسۇلغا،

كادىر بىلەن ئەشرەپلەر.

كادىرلارغا كەنتتىكى،

رەھمىتىم بار، گېپىم بار.

مېنى كىمكىن دېسەڭلار،

‹‹دېھقان›› دېگەن ئېتىم بار.

 

 

مەنبەسى: تەڭرىتاغ ئۇيغۇرچە تورى

باينىڭ ئومۇمىي ئەھۋالى    تور خەت ساندۇقى    پاش قىلىش    ئەسەر ئەۋەتىش    ئىدارە تېلفۇن نومۇرلىرى       

باشقۇرغۇچى ئۇرۇن : باي ناھىيلىك خەلق ھۆكۈمىتى       تېخنىكا يىتەكچىسى : باي ناھىيلىك ئېلىكتىرونلۇق مەمۇرىيەت باشقۇرۇش ئىشخانىسى

 ئالاقىلىشىش تېلىفۇنى: 8627000 – 0997 تورغا كىرىش ئىجازەتنامىسى : 新ICP备05002482号